薩頓自由民主黨
薩頓自由民主黨
撐好薩頓企出嚟
感謝你掃描我哋嘅二維碼，籍此可以了解更多薩頓自由民主黨嘅資訊。 我哋知道好多香港人遷入我哋嘅社區，其中一啲人可能更希望用廣東話嚟了解我哋，所以，我哋製作咗呢個網站嚟介紹自己。 好遺憾，我哋無法用廣東話通信，因為我哋嘅工作人員只識講英文，所以，如果你有任何問題想問我哋，請先用英文書寫，或者用Google翻譯等翻譯軟件，再唔係請朋友或鄰居幫助翻譯都得，我哋係會用英文回覆。
自由民主黨係英國嘅主要政黨之一，同倫敦薩頓自治市有密切嘅聯繫。 我哋嘅價值觀基於自由主義，係一種政治道德哲學，基於個人權利、自由、大衆共識、政治公平和法律面前人人平。我哋黨章嘅開頭第一段，已經總結咗我哋嘅使命同埋指導思想：
“自由民主黨的存在，係為咗建立一個公平，自由同開放的社會，當中，我哋尋求基本價值觀，係自由、平等、社區各方面取得平衡，冇人會因為貧窮，漠視或屈就，而被受困苦奴役。
如果您認同依啲價值觀，希望您同我哋聯繫，並加入我哋，共同塑造我哋城鎮嘅未來。
薩頓嘅自由民主黨
地方事務
由1990年開始，自由民主黨獲得薩頓議會嘅多數席位。
依種連續性執政管治，比我哋政黨有能力令薩頓成為無論生活、工作同組織家庭嘅好地方。
我哋喺動盪時期，仍然保持咗自治鎮嘅財務穩健，相對其他區鎭因財務原因或意識形態停辨某啲服務，我哋依然設法推廣和維護深受好評嘅學校，以及老年人服務。
全國事務
自由民主黨喺薩頓有着悠久嘅歷史，由1997年至2015年期間，薩頓國會議員都係由自由民主黨擔任，但及後一直由保守黨持有，自由民主黨將在下一次選舉中，競選奪回呢個席位。
我哋相信我哋可以贏，如果您想幫助我哋做到呢一點，請與我哋聯繫，我哋可以通過多種方式合作，我哋好希望得到您嘅支持。
英國投票資格
如果你擁有英國公民身份或英國國民海外護照(BNO Passport)，咁你有權喺英國選舉中投票。 如果你仲未註冊，請立刻註冊！
英國有兩種主要嘅選舉，地方政府選舉同埋國家政府選舉。
地方選舉係為照顧當地嘅議員舉行嘅，就你而言，薩頓中央(Sutton Central)位於倫敦薩頓自治區，選舉係每四年舉行一次，選出三名候選人，你手中有三票，如果你投票畀所有帶有我哋雀仔標誌嘅候選人，我哋不勝感激，你只需喺佢哋姓名旁邊嘅框內打交叉。
國會議員大選係冇固定嘅時間表，但必須喺上次大選之後嘅五年內進行。
上一次大選係喺2019年，因此必須喺2024年12月之前舉行另一次大選。 薩頓嘅大選慣常由兩個主要黨派競爭，即係自由民主黨及保守黨；至於其他政黨有參與，過去的20年度，佢哋獲得嘅選票比勝出者少於30%，所以勝出嘅機會好微。
選舉會有一名候選人當選，而你將擁有一票，如果您想支持我哋嘅候選人，請喺雀仔標誌隔離搵番候選人姓名，並喺佢哋嘅框中打交叉。
如果你已經註冊，請注意最近英國更改法規，想要親自投票嘅人必須隨身攜帶有效的附有相片嘅身份證件，咁先能夠領取選票。 選舉委員會網站上，有關於投票同接受身份證嘅信息，可以喺呢度搵到。
如果您唔想親身去投票站，您可以申請郵寄投票。 係依度可以搵到有點樣郵寄投票嘅詳細信息。
呢個網頁係由Sutton香港人 Richard Choi同埋 Alex Chui幫忙薩頓自由民主黨翻譯. 薩頓自由民主黨地址Kennedy House, 5 Nightingale Road, Carshalton, SM5 2DN